Dat kön i-j niet maken

Zie beloaft ow hemel op eerde
Dat bliekt van weinig weerde
I-j wordt met open armen ontvangen
Um ow zo gauw as 't kan te zien hangen
Dat kön i-j niet maken, ik heb ow deur

Iemand een oor an neajen
Eerder bu-j niet tevreajen
En heb i-j ow doel bereikt
Vuult een ander zich bezeikt
Dat kön i-j niet maken, ik heb ow deur

Pronken met andermans veren
Mo-j bi-j mien echt niet proberen
As i-j zelf niks könt verzinnen
Mo-j der gaar niet an beginnen

Iets eigens kön i-j niet snappen
Dus mo-j 't van een ander gappen
En mooie sier met maken
Dat schient ow niet te raken
Dat kön i-j niet maken, ik heb ow deur

Terug naar songteksten