De atoombom

zie zeien dat ik dom was en eigenwies daarbi-j
zie zegt ik wil niet warken, dat moakt mien niet zo bli-j
doar heb ik nou gin last meer van, ik zit in de WW
hun zit nog steeds in de fabriek en ik zit in 't café

as de atoombom kump te vallen, trek ik mien niks van an
want dan bun ik bezoppen en merk ik doar niks van
't is völ te laat, 't is völ te laat um ow nog druk te maken
gif mien moar Dallas op tv, 't ni-js mot ik van braken

Boeren, Burgers, Buutenluu, bu-j 't leaven nog niet muu?
luuster noar een goejen raad, loop met een glimlach
en niet met een spandoek oaver stroat
umda-w toch allemoal vrolijk lachend noar de bliksem goat

zo heur ik Roland Regen, had Nancy net bestegen
Andropov stond der van versteld en die had 't Nina deur verteld
hie ging doar met zien Nina een paar uur an 't klooien
en toen dat niet zo lukken wol, ging hie met bommen gooien

Boeren, Burgers, Buutenluu, bu-j 't leaven nog niet muu?
luuster noar een goejen raad, loop met een glimlach
en niet met een spandoek oaver stroat
umda-w toch allemoal vrolijk lachend noar de bliksem goat

de mensen dut zo moeilijk, veur mien hoeft 't niet meer
van die moeilijke diskussies dut mien hasses zear
één ding kan ik slechts begriepen; een arme sloeber zoas ikke
hef toch naans gin invloed op, zie laat mien lachend stikken

Boeren, Burgers, Buutenluu, bu-j 't leaven nog niet muu
luuster noar een goejen raad, loop met een glimlach
en niet met een spandoek oaver stroat
umda-w toch allemoal vrolijk lachend noar de bliksem goat

vrolijk lachend noar de bliksem goat

Terug naar songteksten