De klompenman

De klomp is gemaakt veur ’t buutenwerk
De klomp is stevig de klomp is sterk

Klompen in de reagen klompen in de wind
Klompen deur de modder klompen deur het grind

Klompen in de pas en klompen in de moat
Op klompen noar de winkel op klompen oaver stroat
Mien opa liep op klompen die had hi-j altied an
Van doar kreeg hi-j een bi-jnaam hi-j is now de klompenman

Klompen op de rem en klompen op het gas
Op klompen noar de kerk as het zondag was

Klompen veur de vrouw en klompen veur het kind
Klompen veur de schoorsteen veur de goeie sint

Geen zweitveute of likdoorns meer of ander ongemak
Hi-j wil alleen moar klompen met een manchester pak
Hi-j hef altied klompen an en doarum is hi-j de klompenman

Zit d’r in de klomp een groten barst
Dan maak ik hum met een leerken vast

De klomp is een instapper van holt
Sommers niet te warm en ’s winters niet te kold

Klompen in de pas en klompen in de moat
Op klompen noar de winkel op klompen oaver stroat
Mien opa liep op klompen die had hi-j altied an
Van doar kreeg hi-j een bi-jnaam hi-j is now de klompenman

Terug naar songteksten