Deur sneeuw en kolde veute

't weerbericht dat lult van sneeuw, dat ha'k al wel verwacht
mien vrouw die hef de veute kold, dat wordt mien wat vannacht
die holt zie dan met völ geweld, dan tegen die van mien
de kolde was vergetten, al vroor 't een graad of tien
van 't één kwam 't ander a-j goed kiekt kö-j 't wel zien

deur sneeuw en kolde veute was 't elk joar roak
twaalf luiers op d'n draad en 's nachts 't bed gekraak

toen ik nog een jonge was, spøllen ik graag met sneeuw
mien deerne in te zepen was 't liefste wat ik dee
zie hiel eur kolde lippen dan tegen die van mien
de schrik was snel weer oaver, 't dee-j eur echt gin pien
van 't een kwam 't ander, a-j goed kiekt, kö-j 't wel zien

deur sneeuw en kolde veute was 't elk joar roak
twaalf luiers op d'n draad en 's nachts 't bed gekraak

zo is 't dan gekommen, zo is 't dan gegoan
van 't één kwam 't ander ik heb mien best gedoan

deur sneeuw en kolde veute was 't elk joar roak
twaalf luiers op d'n draad en 's nachts 't bed gekraak

kraak kraak

Terug naar songteksten