Dit moment

wi-j bunt dat eigenlijk niet gewend dat is een vremd en stil moment
alleen de veugeltjes kö-j heuren, wi-j hoeft ons nergens an te steuren
i-j liekt niet op ow gemak, en ow ogen kieken strak
ik zie gin enkele lichaamstaal, d'r is gin stof veur een verhaal

ik wet da-j an die ander denkt, moar da-j niet wilt dat i-j mien krent
i-j deej 't amper onbewust, was ondertussen ongerust
i-j hebt nog eengaal niks gezegd, maar ik merk wel dat i-j vecht
ik maak veur twee 'n wat etten klaar, want 't wachten vult mien zo zwaar

maar dit moment is ow moment en mien moment geef ik an ow
as i-j 't pakt, ow schroom wegzakt dan denk ik dat moment is now
wat was, wat is, wat kommen geet, wat in gin boek beschreven steet
dat bunt de schakels van de ketting, deur ons aneen gesmeed

i-j kiekt wat dreumerig veur ow uut, i-j worstelt nog met ow besluut
langzaam draai i-j ow dan umme, woordloos vraag i-j mien woarumme
der kump een glimlach um ow mond, ik zie mien vrees was ongegrond
an ow ogen kan ik zien, gin twiefel meer, i-j blieft bi-j mien

maar dit moment is ow moment en mien moment geef ik an ow
as i-j 't pakt, ow schroom wegzakt dan denk ik dat moment is now
wat was, wat is, wat kommen geet, wat in gin boek beschreven steet
dat bunt de schakels van de ketting, deur ons aneen gesmeed

Terug naar songteksten