Ik leaf toch moar ene keer


toen ik nog op schole zat, 't is een woar gebeurd verhaal
wi-j zaten met een man of dertig, in een völ te klein lokaal
en wat de meister ons doar zei, oaver wat er al niet moch
jongens blief van deerntjens af, kiek toch liever noar de loch
handen hol i-j boven tafel as i-j denk an een mooie griet
hie leren ons alles wat keurig was
en dokter spøllen .... moch ok al niet

ik leaf toch moar ene keer, gin mense wet hoe lang
ik hol van feest en van plezier, en bun veur niemand bang

ik zat loast in mien stamcafé en wi-j redden ons doar best
wi-j hadden schik at davert, 't was al sluutingstied gewest
toen wier der an de deur erammeld, wie zal doar nou stoan ?
't was Herman van de Bakker, hoe zal 't toch met 'm goan ?
hie was student geworden, ik wet echt niet meer woarin
en hie sloeg doar an 't preaken, ons leaven had gin zin
wi-j dachten alleen moar an de lol en nooit eens an 't verdriet
en een lekker potjen bier .... moch ok al niet

ik leaf toch moar ene keer, gin mense wet hoe lang
ik hol van feest en van plezier, en bun veur niemand bang

solo

ik leaf toch moar ene keer, gin mense wet hoe lang
ik hol van feest en van plezier, en bun veur niemand bang

Terug naar songteksten