Kwestie van balans

Een circusartiest hoog in de nok
Op een stoalen droad in zien handen een stok
Moar zonder zo'n stok had i-j minder kans
Veur um is die onmisbaar, een kwestie van balans

't Leaven wurt steeds duurder, op de kleintjes wurt gelet
De tering wurt steeds vaker, noar de nering gezet
Moar de rieksten creëert zich, altied de meeste kans
Veur de anderen is 't vaak een kwestie van balans

De schoorsteen, de uutloat, 't mest oaverschot
Wi-j maakt met zien allen 't milieu kats kapot
Wi-j kriegt op disse wereld, vast gin tweede kans
D'r mot iets gebeuren want alles is uut balans

De gulden middenweg wurt deur iedereen gezocht
Umdat ze dat te snel wilt, vliegt ze vaak uut de bocht
Met diploma's en een yuppie pak, hei-j misschien meer kans
Een boer op klompen blif ok in balans

't Was vreet gezellig, ik kek te diep in 't glas
Toen ik ging lopen hiel ik mien oaveral an vast
Zolang as ik moar steun had, vuul'n ik mien heel wat mans
Moar dat was zoas later bleek een kwestie van balans

Terug naar songteksten