Kwestie van balans 2

As ik op d'n hoogzit zit en wacht wat kommen geet
Deur de kieker van 't geweer, kiek ik wat doar steet
Den mooien 6 ender schiet ik niet, al he'k nog zo'n mooie kans
Schieten en loaten lopen, is een kwestie van balans

De schoorsteen, de uutloat, 't mest oaverschot
Wi-j maakt met zien allen 't milieu kats kapot
Wi-j kriegt op disse wereld, vast gin tweede kans
D'r mot iets gebeuren want alles is uut balans

De gulden middenweg wurt deur iedereen gezocht
Umdat ze dat te snel wilt, vliegt ze vaak uut de bocht
Met diploma's en een yuppie pak, hei-j misschien meer kans
Een beer op klompen blif ok in balans

't Leaven wurt steeds duurder, op de kleintjes wurt gelet
De tering wurt steeds vaker noar de nering gezet
Moar de rieksten creëert zich, altied de meeste kans
Veur de anderen is 't vaak, een kwestie van balans

De gulden middenweg wurt deur iedereen gezocht
Umdat ze dat te snel wilt, vliegt ze vaak uut de bocht
Met diploma's en een yuppie pak, hei-j misschien meer kans
Een beer op klompen blif ok in balans

't Was vreet gezellig, ik kek te diep in 't glas
En toen ik ging lopen hiel ik mien oaveral an vast
Zolang as ik moar steun had, vuul'n ik mien heel wat mans
Moar dat was zoas later bleek een kwestie van balans

Terug naar songteksten