Lang leve de lyriek


Nem ´t niet te letterlijk,doen niet zo literair
Regels bunt verzettelijk, niet altied lineair
Nem ´t niet te letterlijk, lang leve de lyriek
´t Geet um de toon en ritme, want dat mik de muziek

´t Is van alle tieden, al in ´t paradijs
Dach Adam, hier mag alles, moar God von dat te grijs
Hi-j sturen doarum Eva en doarnoa nog een slang
Den plakken met een appel, dat ei achter behang

Refrein:
Nem ow eiges now een keer, niet zo serieus
Tegen alle criticasters, trek ik een lange neus
Logica en onzin, ´t geet um de muziek
As onzin moar vernuftig is, lang leve de lyriek

Denk an Willem de Zwijger, den hiel zich mooi niet stil
En celibate priesters, goat soms gewoon van bil
I-j könt ´t ruum bekieken, of deur een roze bril
Een leugentjen um bestwil, een grap op 1 April

De fiscus hult ´t simpel, die plukt ons allemoal
Wie kön i-j nog geleuven en woar is de moraal
Op zuuktocht noar de woarheid, onthelig i-j de graal
´t Stig mien noar de kop, is d´r een dokter in de zaal

Terug naar songteksten