Pompen of verzoepen


As ow 't water tut an de lippen steet
En 't niet zo mot zo as 't geet
Moar i-j mot roeien met de riemen die i-j hebt
I-j hebt 't zelf niet meer in de hand
En niemand helpt ow uut de brand
Umdat i-j altied van alle kanten wordt genept

I-j kent, die vrienden veur 't leaven
Ik zit d't niet wiet neaven
Zo goed bevriend dat ze alles van ow wet
Eerst wört der geprofiteerd
En alras geet 't glad verkeerd
Dan mo-j ow eiges blieven en zörgen da-j ow redt

Dan wurt 't pompen of verzoepen, al wat halen kan
I-j könt de hogere macht anroepen, moar doar wo-j niks wiezer van
Pompen of verzoepen alles uut de kast
Nooit de moed opgeven, wi-j kerels van stavast

't Leaven is een wedstrijd
En bepoald gin kinderbedtijd
De inzet is 't verschil tussen hemel en hel
As i-j de strijd niet angoat
Wet i-j zeker da-j d'r angoat
Moed verloren al verloren en kom i-j in de knel

Terug naar songteksten