Sloerig in de rakker


Oeh wat bun'k toch sloerig in de rakker
Oeh, wat bun'k toch alderbastend slech
Gisteroavond met mien olde makker
He'w b-i-j-e-proat en niks te völle ezeg

Zien boerderi-j hef hi-j op motten geven
Zien wief is weggelopen met zien kammeroad
In een ri-jkeshuus mot hie now leaven
Met zien snorfiets mot hie oaver stroat

Eiges he'k 't ok al weinig better
De bi-jstandswet die gunt mien weinig eer
De koelkast liekt van binnen ok steeds netter
Want wat d'r in lei, is d'r now niet meer

Refr.:
Dan griept wi-j noar de bierfles, als pleister veur 't verdriet
Drinkliederen en ongein, moar helpen dut 't niet
A-j zwelgt in ow ellende, oh wat zielig bunt wi-j toch
Dan vin i-j eengaal dinger woar i-j nooit noar heb gezoch

Oeh now bunk weer sloerig in de rakker
Moar 't kump now erges anders van
Völ te völle drank noar binnen e'slakkerd
Zoda'k hèlemoal naans meer tegen kan

Terug naar songteksten