't Is stil


't Zal ow moar gebeuren
A-j vernemt wi-j bunt an de beurt
Dat i-j kriegt te heuren
Da'w tut 't rampgebied beheurt
't Zal ow moar gebeuren
I-j mot rumen zo as dat heet
Een machteloos gevuul
As d'r niks in de stallen steet

't Is stil op de boerderi-j
I-j könt naans meer stoan en goan
Niemand kik meer bli-j
Dit kan toch niet bestoan

't Vee nog kerngezond
Toch zit de schrik d'r in
En plotseling wart 't rond
Enten, rumen, hef 't wel zin?
't Woarum zal altied wel blieven
't Vertrouwen is geschaad
Al die boeren bedrieven
Wie is woar bi-j gebaat?

't Is stil op de boerderi-j
Hoe zal die wieter goan
Wat hebt wi-j nog in de hand
Dit kan toch niet bestoan

De toekomst veur de boeren
Zo onzeker as die al was
Is deur de laatste tegenslagen
Zo brekbaar as glas
Recreatiehobby-boer
Of boeren in de polder
Veur every body happy is
Bu-w völle joaren older

Terug naar songteksten