Twee könt meer dan ene kan

Alleen bun ik een looser, alleen maak ik niks kloar
In mien eentjen bun ik een prutser is alles mien te zwoar
Wat ik in mien eentjen ok, allenig ondernem
Gif mien ’t gevuul dat ik, alleen de zee in zwem

Woarum bu-j ok zo eigenwies, zo trots en wilt nooit hulp
As iemand ow wil helpen, dan kroep i-j in ow schulp
Misschien aw’t met zien beien doet, dat ’t dan bettter lukt
Da-j van samenwerken, al gauw de vruchten plukt

Met zien tweeën stoat wi-j sterker
Kö-w de wereld better an
Al bu-j ok nog zo’n harde werker
Twee könt altied meer dan ene kan

Soms dan denk ik wel es ik kan ’t best alleen
Dat kan ok best wel moar wehn al lukt t niet meteen
Moar samen is ’t leuker, dan he-j tenminsen schik
“T is net of ’t probleem dan minder moeilijk lik

Met zien tweeën stoat wi-j sterker
Kö-w de wereld better an
Al bu-j ok nog zo’n harde werker
Twee könt altied meer dan ene kan

Alleen kö-j lopen dreumen hoe is’t ideaal
Hoe had ’t motten weazen an ’t ende van ’t verhaal
Wat der van is terecht gekommen stelt vake erg teleur
’T was te mooi um woar te weazen, moar ok doar bunt dreumen veur

Met zien tweeën stoat wi-j sterker
Kö-w de wereld better an
Al bu-j ok nog zo’n harde werker
Twee könt altied meer dan ene kan

Terug naar songteksten