Vaak verkeard


dinsdags noar de veemarkt, elke week opni-j
hendrik zocht 'n melkkoe, d 'r stond 'n hele bi-j
doar trof hi-j 'n koopman, den had wat hi-j zocht
met hendrik ku-j goed handelen, dus wier 't beest gekocht

bi-j appie op de markt, verget ze hendrik neet
doar werd de koop beklonken, i-j wet wel hoe dat geet
hendrik dronk zien borrel, samen met wat bier
gin benul van tied, hi-j raken an de zwier

moar dat wordt anders, dat gebeurt mien niet wear
dat zeg hendrik veur de zovölste kear
ik geleuf dat hi-j 't nooit leart
want nog steeds geet 't vaak verkeerd

's avonds in de stal, wier hendrik bi-j noa maf
toen hi-j wol goan kieken, hoevöl melk 't beest wel gaf
hi-j begon te melken, moar niet met völ plezier
want wat hi-j had gekocht, was gin koe moar 'n stier

moar dat wordt anders, dat gebeurt mien niet wear
dat zeg hendrik veur de zovölste kear
ik geleuf dat hi-j 't nooit leart
want nog steeds geet 't vaak verkeerd

toe hi-j wear naor de markt ging, en doar de koopman trof
schot hendrik uut zien slof, hi-j zei dat is te grof
wat i-j mien doar hebt angesmeard, dat is toch gin steil
want waor 't gear, mos zitten hing 'n zak as 'n dweil

moar dat wordt anders, dat gebeurt mien niet wear
dat zeg hendrik veur de zovölste kear
ik geleuf dat hi-j 't nooit leart
want nog steeds geet 't vaak verkeerd

Terug naar songteksten