Verloochen ow afkomst niet

Wat i-j van huus uut hebt metgekregen
Dat steet veur iedereen vast
Veur den eennent is 't een zegen
En veur den anderen een last
Moar hoe i-j der met umgoat
Dat heb i-j zelf in de hand
Denk nooit dat i-j alleen stoat
En schoef gin mens an de kant

Verloochen ow afkomst niet
Loat es zien wie i-j bunt
Raak ow identiteit niet kwiet
Loat es zien wie i-j bunt wat i-j kunt

I-j loopt allemoal met een rugzak
Met lusten en lasten gevuld
Ieder zal 'm motten dragen
Met oaverleg en geduld
A-j 't gevuul hebt dat i-j niet mettelt
En der wurt ow nooit es wat gevroagd
As ow zelfvertrouwen wegsmelt
Dan wurt 't tied da-j 't der op woagt

I-j komt van 't platteland
Of uut de de grote stad
Boerenlul of bi-jdehand
Wi-j tapt uut 't zelfde vat

Terug naar songteksten