Wintertied


Op een kolden winteroavend, as 't vrus at bast
Op de vievers en de bekken, glimt 't ies as glas
Op de bulten van de Hummelse hei, lig een dik pak snee
Op de lösse plekken in 't bos, loopt sporen van een ree

Den onbewolkten winterloch, die lik meer peers dan blauw
A-j buuten iets te doene hebt, dan doe-j 't bliksems gauw
De kniens en de fazanten, die scharrelt deur 't kröppelholt
Zelfs de streupers die blieft binnen, want 't is eur völs te kold

Wintertied, wintertied
Met snee op driefjacht doet wi-j niet
Wintertied, wintertied
A-j vossen, ulken en marters ziet

't Holt dat knettert in de kachel, 't is der lekker heit
Noa d koffie kump de foezel, i-j kroept dicht bi-j ow meid
En as der goed gezoppen wurt, de verhalen goat in 't rond
Achter 't fornuus bunt 't helden, moar alleen moar met de mond

Wintertied, mooie tied
Met snee op driefjacht, dat doet wi-j niet
Wintertied, mooie tied
As i-j oaveral sporen ziet

Terug naar songteksten