Doar geniet ik van

Ut is wear zondagmiddag, de honden wilt op pad.
Ik bun aardig wakker, ik heb koffie gehad.
Zi-j springt tegen de deur, ik pak de riemen uut de kast.
Hoe hard zi-j ok trekt, ik hol ze stevig vast.

Wi-j goat langs de weides, nergens echt op an.
Zi-j roekt de verse sporen, die ik niet volgen kan.
Het liekt te motten goan, in de richting van het bos.
Doar tussen de beume, loat ik de honden los.

Refrein:
Want doar geniet ik van, joa doar geniet ik van.
Umdat ik wet, dat ut ok anders kan.
Doar geniet ik van, joa doar geniet ik van.
Dit is het moment, ik doe ut kalm an, kalm an.

Het is al laat in de middag, as wi-j ummekeert.
De honden komt d'r an, dat heb ik ze wel geleerd.
Zi-j schud met hun pels, ik stamp de modder van de schoen.
Dit vuult goed, dat mot ik vaker doen.

D'r bunt van die dagen, dat i-j niet echt wat doet.
I-j rommelt moar wat an, en dat vuult goed.
An ut end van de dag, heb i-j de batteri-je vol.
Uutgerust en bli-j, kroep i-j onder de wol.

Refrein.